GABAY: HAMBO,GOOYE

faalo: gabaygan waxaa tiriyay abwaan suusle oo ah nin dhulbahante ah sanadku marku ahaa 2023da ka dib dagaalkii goojacade lagaga guulaystay jamcadii ishuwaneed ee s.n.m amaba somaliland

gabay waxaan habeeyaa markuu ii haboon yahaye

mar hadaan hogtii lala rabay iyo helo dariiqiisa

hal abuurku iigama duwana hoodhan caanaha e

hawraarta maansada mudaan haan u culateene

ka hirqada hilaacii gu,gaa haradu buuxdaaye

hororkii ilaahay ka goo hiigi jiray soole

waa kaa xaqii huursanaa huuba qaadka ahe

hablo dhagaxa tuura oo quray ka hanfariirayne

mar un bay wadnaha kala heleen hooto dhagalaye

libaaxii hamuunta u qabaa soo hamaansadaye

mar hadaan rag wada heeganiyo hub iyo maal haysto

hurdi maayo cadowgii arlada howl yaraan dagaye

hamiga iyo qiirada mudaan hoos u fooraraye

hiyiga iyo laabtii la kacay hiifay nolashiiye

hangaraaricii jabay ma dayn haybadaa soco e

horgal iyo nin liita iila mida heecaygii lumaye

inaan howsha loo joojineen hubanti weeyaane

hayaanka iyo geedigan malmadan haro san loo guurye

hirkaa laaca dheer baa dagmada loo horseed tagaye

haleelada dhashiyo waa inaa hogorku maalnaaye

waa inaa haruubka u cushaa heego xoorbadane

huuyeeda goortay maqleen hugunku yeeraayo

harka yaaca diday looma turin ee habowga ahe

nin waliba hareertuu ka galay hoobay lagu boobye

imikay haraaryoonayaan habaqlahoodiiye

hoobaanta dhiigan u qubay kay harsanayaane

halgan dabadii weeyiyo xornimo hediyo laytaane

jeer ay halyeeyo u go,aan howl yar lagu waaye

anagoo abaar hoolan iyo hogiyo oo joogna

gu, hagaaagay hamash doogleh baa haakah loo dagaye

hanqal taaga cadowgii majiro haarib iyo tuuge

ku hungow humaag iyo waxii loo hadoodilaye

heshiis faranji waa lagu yaqaan hoos daloolada e

hambadiyo qaraamaadkii gaal waw u handanayaane

isaaga bay haaraha ku yaal wali hafeeftaane

ninkii hadimo taliyaa wuu heli abaalkiiye

harka muuse diid iyo inuu hoyga jiifsado ye

holaca iyo dabkii leefay buu heeda doon yahaye

hunguriga ku yaaliyo indhuhu galiye haadaane

hamuun goronyo kii ihi ba waa haarib diimo ehe

hilibkiisa jeeruu ku dhaco haad ma joogsado e

hawo beena haabhaabo yiri hanad daraawiishe

mana hubo waxuu heli markay rag is haleelaane

dulmi huuray uun baa haligay  duul habaar qaba e

xaqa lama hor joogsado markuu haysto marinkiiye

hiin raaca gaalada nin jecel hoog allaa badaye

hanfadaha wax badan baa lahaa hooya naga jooge

ma haduu gacmaha hoorsadoo haad u bixi waayay

soomaali wayn laysku humo yaan u howl galaye

hormo goosanihi waa waxaan lay horkeenayne

hambalaaliqii iyo laga bax habacsanaantiiye

haniyaha ninkii tuugayee hebada yeelkiiye

waxaan sharafta qaranka u huwaday waa hanwaynida e

higta baxaysa goojacade iyo hugunka baaruuda

haruunshoode nimankaan lahaa hoy kabaxa soole

waxa haadku dacaroonayaa hilib rag waawayne

hal dib jira waraabaha helee hoos u dayi waayay

dawacada baraar soo hargalay hoy la oran waayay

hanaqaadka go,ay buu cunaa habar dugaagiiye

hoosaasin layguma dago iyo hoos wax lay yiriye

hayiinkii gumaysigu watoow haygu daaline e

waxii horayba loo waayay baa loo handamayaaye

waa hololod iyo been waxay howd la hayaane

waa kaa afkii halowsanaa huuro leefka ahe

anigoo hangool qura sita iyo huure iyo qaare

oo aan hub iyo saanad baran howsarkiyo miiga

hujuun iyo difaac waa aqiin heegan dirireede

maantana waxaa i hantiya kii hidleer gubaye

humbanida la soo uruuriyay iyo huunadiyo tuuga

habaqlaha galbeed waa waxaan lagu habsaamayne

waa habar fadhida oo lagdin howl yar la ahayde

haraatida quroo lala helay horay u duuleene

meeshii hargaysiyo burcay hoogay baxaysaaye

iyagoon war noo haynin baa hoonka loo tumaye

hayaaydii barbara wuu maqlaa harar nin joogaaye

huryo geela naga fuufsahay baan hilow ka shiidaaye

nimanyahow hadhow baa la oran maa wax la hadhaane

hambagooye maantaan dhigaan hadalba kuu oole

hawd iyo nugaal kuuma taal hibiyo maamuuse

hunguriga laf kuu tagan oo halisa weeyaane

ka huleela hagardaamo sool horayba loo eedye